पारसले लेजेन्ड्स लिग नखेल्ने
नेपाल क्रिकेट संघ (क्यान) का सचिव तथा पुर्वकप्तान पारस खड्काले लेजेन्ड्स लिग २०२४ नखेल्ने भएका छन् । लेजेन्ड्स शुक्रबारदेखि राजस्थानको जोधपुरमा सुरु भएको छ ।
पारसलाई अक्सनमा गुजरातले १२ लाख ५ हजार भारतीय रुपैयाँमा किनेको थियो । तर पारसले व्यक्तिगत कारणले उक्त लिग खेल्न जान नपाउने भएका छन् ।
‘म लेजेन्ड्स लिग खेल्न जान भ्याउँदिन । अहिले क्यान र प्रदेशको वार्षिक साधरण सभा तथा नेपाल प्रिमियर लिग(एनपीएल) मा ब्यस्त छु’,पारसले भने ।
पारस आवद्ध गुजरातमा वेस्ट इन्ण्डिजका क्रिस गेल, भारतीय शिखर धवन, मोहम्मद कैफ, श्रीशान्त, वेष्ट इण्डिजका लेन्डन सिमन्स र इंग्ल्यान्डका लियाम प्लेन्केट जस्ता खेलाडी छन् .
source: onlinekhabar
